THIRRJE PËR OFRUES SHËRBIMESH: Trajnim “Ndërtimi i ekipeve me performancë të lartë përmes vizionit dhe energjisë pozitive”
THIRRJE PËR OFRUES SHËRBIMESH: Për zhvillimin e trajnimit me objekt “Ndërtimi i ekipeve me performancë të lartë përmes vizionit dhe energjisë pozitive'' për punonjësit e zyrave qëndrore të IdentiTek SHA
Qëllimi i trajnimit dhe pritshmëritë:
Trajnimi ka si qëllim të ndihmojë pjesëmarrësit të kuptojnë dhe aplikojnë parimet e krijimit të ekipeve të fuqishme, të orientuara drejt rezultateve, përmes zhvillimit të një vizioni të përbashkët dhe kultivimit të një kulture pune pozitive dhe motivuese.
Gjithashtu, trajnimi ka si qëllim:
- Të kuptuarit e karakteristikave të një ekipi me performancë të lartë,
- Aftësimin për të ndërtuar vizion të përbashkët dhe për ta integruar atë në punën e përditshme të ekipit,
- Zhvillimin e një mentaliteti të punës si vlerë bazë në çdo nivel të shoqërisë,
- Forcimin e besimit, bashkëpunimit dhe përgjegjësisë brenda ekipit.
Pritshmëritë e trajnimit:
- Krijimi i vizionit frymëzues, që motivon ekipin drejt qëllimeve të përbashkëta,
- Nxitja e një kulturë pune pozitive përmes energjisë personale dhe kolektive, duke rritur angazhimin dhe përkushtimin,
- Ekipe të forta, bashkëpunuese dhe të qëndrueshme, të cilat e mbështesin njëra-tjetrën dhe punojnë me qëllim të përbashkët për rezultate e shoqërisë.
- Metodologjia e trajnimit
Metodat e përdorura në trajnim përfshijnë:
- Sesione interaktive teorike dhe praktike,
- Diskutime dhe ushtrime praktike në grupe të vogla,
- Raste studimore,
- Simulime dhe role-play.
- Logjistika e trajnimit
Ofruesi i përzgjedhur do të jetë përgjegjës për organizimin e Trajnimit duke patur parasysh:
- Pjesëmarrja përbëhet nga 100 punonjës të zyrave qëndrore të IdentiTek SHA me një kohëzgjatje 3 (tre) ditore, gjatë orarit zyrtar të punës, me nga 30-35 punonjës pjesëmarrës,
- Trajnimi do të zhvillohet në Tiranë në një ambjent të përzgjedhur nga ofruesi,
- Gjatë trajnimit përfshihen 2 (dy) coffe break dhe 1 (një) drekë (catering),
- Ofruesi duhet të pajisë pjesëmarrësit përpara fillimit të trajnimit me agjendën e trajnimit dhe materialet didaktike.
- Produktet e Pritshme
Ofruesi i shërbimit pritet të dorëzojë pas shërbimit:
- Agjendën e detajuar të trajnimit,
- Materialet trajnuese (prezantimet, rastet studimore, materialet mbështetëse, etj) për temat e mbuluara,
- Raport përmbledhës pas trajnimeve të kryera,
- Çertifikatë për secilin pjesëmarrës.
- Afati Kohor
Trajnimi do të zhvillohet me një kohëzgjatje 3 (tre) ditore sic detajohet në pikën 2.
- Kualifikimet dhe përvoja e ofruesit të shërbimit
Ofruesi i përzgjedhur duhet të demonstrojë:
- Eksperiencë të provuar në ofrimin e trajnimeve për sektorin publik dhe privat,
- Eksperiencë në ofrimin e trajnimeve të mëparshme relevante,
- Ekipi trajnues të përbëhet nga trajnerë me përvojë dhe kualifikime të larta.
- Dorëzimi i Propozimeve
Propozimet duhet të përfshijnë:
- Përmbledhje të eksperiencës: Përshkrimi i përvojës së mëparshme të ofruesit në projekte të ngjashme me vlerësimin dhe trajnimin e stafit.
- Metodologjinë: Një shpjegim i detajuar i qasjes që do të përdoret për secilën fazë të projektit.
- Ofertën Financiare: Një përmbledhje e detajuar e kostove për produktin e kërkuar për njësi.
Propozimet duhet të dorëzohen deri më datë 13 Tetor 2025 në adresën: “IdentiTek” SH.A, Rruga “Xhanfize Keko”, Ndërtesa 111, Hyrja 1, Tiranë, Albania dhe me email në adresën [email protected]
.png)
.jpg)
.jpg)
.png)
-(2).png)
