Identitek, kompania shtetërore për prodhimin e dokumenteve biometrike, prezanton shërbimin më të ri që vjen në ndihmë të qytetarëve shqiptarë brenda dhe jashtë vendit: kuponi elektronik online.
Tashmë, qytetarët mund të blejnë kuponin për aplikimin e dokumenteve biometrike direkt në platformën zyrtare të Identitek – pa pasur nevojë të paraqiten fizikisht dhe pa pritur në radhë. Ky shërbim inovativ synon të thjeshtojë procesin dhe të ofrojë akses të menjëhershëm në shërbime të rëndësishme si: karta e identitetit, pasaporta biometrike dhe leja e qëndrimit.
Si funksionon?
Blerja e kuponit elektronik realizohet përmes platformës:
Hapat për të përfituar kuponin janë të thjeshta dhe të shpejta:
Kuponi elektronik është i vlefshëm dhe mund të përdoret për aplikim pranë çdo zyre të Identitek, në Shqipëri apo në zyrat tona mobile jashtë vendit.
Për kë është ky shërbim?
Ky shërbim është i aksesueshëm për çdo qytetar shqiptar, kudo që ndodhet në botë, përfshirë:
Mundësi të dyfishta për qytetarët
Blerja e kuponit do të vijojë të jetë e mundur edhe pranë zyrave të Postës Shqiptare, por shtimi i mundësisë online krijon një alternativë më të shpejtë dhe më fleksibël për të gjithë ata që kërkojnë komoditet dhe efikasitet.
Me këtë risi, Identitek forcon angazhimin për të qenë gjithnjë më pranë qytetarëve – duke ofruar shërbime moderne, të aksesueshme dhe të sigurta në çdo kohë dhe vend.
.jpg)
