Nuk bëhen aplikime për dokumente biometrike në 31 Dhjetor.
Shoqëria IdentiTek SHA, në bashkëpunim me Ministrinë e Brendshme, njofton se në datë 31 dhjetor, ditë e martë, nuk do të behen aplikime në asnjë prej zyrave tona.
Ky proces do të pezullohet vetëm për këtë datë, për shkak se do të kryhen inventarët vjetore në të gjitha zyrat e "IdentiTek".
Bëjmë me dije se procesi i shpërndarjes së dokumenteve të prodhuara do të vijojë në intervalin kohor 08:00 - 10:00 të mëngjesit.
Në vijim, stafi ynë do të angazhohet në realizimin e inventarit fizik dhe elektronik të dokumenteve.
Ky komunikim ka për qëllim të orientojë shtetasit që mund të kenë urgjenca aplikimi, të mos presin ditën e fundit të vitit për të aplikuar.
Qëllimi ynë është të jemi sa më pranë nevojave të qytetarëve gjatë kësaj periudhe të veçantë.
Gëzuar Festat!
IdentiTek SHA
.jpg)
.jpg)
