IdentiTek ka arritur me sukses certifikimin sipas standardit nërkombëtar ISO 27001:2022 nga TÜV AUSTRIA, organizata lider e certifikimit dhe inspektimit në Shqipëri. Ky certifikim pasqyron përkushtimin e kompanisë për përmbushjen e kërkesave të Sistemit të Menaxhimit të Sigurisë së Informacionit, duke garantuar nivelin më të lartë të sigurisë dhe mbrojtjes së të dhënave sensitive personale.
IdentiTek është e vetmja organizatë në Shqipëri që ofron shërbime për aplikimin, prodhimin dhe shpërndarjen e dokumenteve biometrike. Arritja e certifikimit ISO 27001:2022 përfaqëson angazhimin e kompanisë në ruajtjen e konfidencialitetit, integritetit dhe disponueshmërësisë së informacionit të ndjeshëm.
Përfitimet e ISO 27001:2022
ISO 27001:2022 është standardi më i njohur global për menaxhimin e sigurisë së informacionit. Ky standard përshkruan praktikat më të mira për mbrojtjen e informacionit të ndjeshëm, duke siguruar standarde të larta të menaxhimit.
Ceremonia e Certifikimit
Ceremonia e dorëzimit të certifikatës u zhvillua në praninë e drejtuesve kryesorë të IDENTITEK, përfaqësuesve të TÜV AUSTRIA dhe të ftuarve të tjerë. Drejtori i Përgjithshëm i TÜV AUSTRIA për Shqipërinë dhe Kosovën, z. Fatjon Sinani, theksoi rëndësinë e kësaj arritjeje: “Certifikimi sipas standardit ISO 27001:2022 reflekton përkushtimin e IDENTITEK për sigurimin e niveleve më të larta të sigurisë së informacionit. Duke ndjekur këto standarde globale, IDENTITEK jo vetëm që përmirëson operacionet e saj, por gjithashtu forcon besimin e klientëve dhe palëve të interesuara.”
Gjatë fjalës së saj, znj. Halilaj theksoi: “Ky certifikim nga TÜV AUSTRIA konfirmon përkushtimin tonë në ofrimin e shërbimeve të cilësisë së lartë dhe garantimin e sigurisë së informacionit. Ai gjithashtu përfaqëson një premtim ndaj qytetarëve shqiptarë për të mbrojtur të dhënat e tyre sensitive dhe për të vijuar me zhvillimin teknologjik dhe inovacionin.”
Angazhimi i IDENTITEK
IDENTITEK mbetet e përkushtuar në zhvillimin e vazhdueshëm të cilësisë së shërbimeve, forcimin e sigurisë dhe rritjen e aftësive të stafit. Ky certifikim shërben si një shtysë e re për kompaninë për të qenë gjithmonë në pararojë të inovacionit teknologjik në Shqipëri.
Faleminderit TÜV AUSTRIA dhe ekipit të IDENTITEK për bashkëpunimin e frytshëm!
.png)
.png)
.jpg)
.jpg)
-(1).png)
