IdentiTek është një shoqëri aksionare me standarde të larta sigurie, e vetmja në Shqipëri që ofron regjistrimin, prodhimin dhe shpërndarjen e dokumenteve biometrike të shtetasve shqiptarë dhe/ose shtetasve të huaj me banim të përhershëm apo të përkohshëm në Republikën e Shqipërisë.
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Në vijim të angazhimit të pandërprerë për të rritur cilësinë dhe standardin e shërbimit, si dhe për të investuar në zhvillimin profesional të stafit, IdentiTek organizoi së fundmi një trajnim të dedikuar mbi Bashkëpunimin, Komunikimin dhe Menaxhimin e Aftësive Ndërpersonale.
-(2).png)
Në kuadër të zhvillimeve teknologjike dhe përmirësimit të shërbimeve publike, IdentiTek ka prezantuar shërbimin më të ri “Gjurmo Dokumentin”, i cili u mundëson qytetarëve shqiptarë të ndjekin në kohë reale ecurinë e dokumenteve të identifikimit, nga momenti i aplikimit deri tek tërheqja.
