.png)
Duke filluar nga sot, shtetasit shqiptarë që jetojnë jashtë vendit do të kenë mundësinë të aplikojnë për Letërnjoftim Elektronik (Kartë Identiteti) ose për Pasaportë Biometrike, pa qenë më e nevojshme të pajisen detyrimisht me të dy dokumentet njëkohësisht.
Nisma ka për qëllim thjeshtimin e procedurave dhe lehtësimin për qytetarët që jetojnë dhe punojnë jashtë Shqipërisë. Ndryshimi është edhe një përgjigje ndaj kërkesave të vazhdueshme të diasporës shqiptare për të lehtësuar aksesin në dokumentet e nevojshme, si dhe për të ulur kostot e përfshira në procesin e aplikimit.
IdentiTek SHA mbetet e përkushtuar të vijojë përmirësimin e shërbimeve për të gjithë qytetarët shqiptarë, kudo që ndodhen, dhe të sigurojë akses të barabartë dhe të thjeshtë për marrjen e dokumenteve të nevojshme.
Ftojmë të gjithë qytetarët e interesuar të vizitojnë përfaqësitë tona diplomatike për më shumë informacion dhe për të kryer aplikimet për Letërnjoftim Elektronik!
.png)
