.jpg)
IdentiTek njofton se zyrat e aplikimit të dokumenteve biometrike do të jenë të hapura edhe nesër, ditën e Shtunë, më 10 Maj 2025, nga ora 09:00 deri në 14:00, për të mundësuar tërheqjen e letërnjoftimeve elektronike (kartave të identitetit).
Ky vendim është marrë për t'u ardhur në ndihmë qytetarëve që nuk kanë mundur t’i tërheqin dokumentet e identitetit në kohë.
Gjithashtu, këto ditë është konstatuar një fluks i shtuar aplikimesh nga shtetasit të cilëve u janë skaduar afatet e vlefshmërisë së dokumenteve të identitetit, e nxitur kjo edhe nga procesi i zgjedhjeve të përgjithshme.
Ministri i Brendshëm, Z. Ervin Hoxha, njoftoi ditën e djeshme se çdo shtetas do të mund të votojë, edhe në rast se dokumenti biometrik që zotëron është me afat të skaduar.
Këto masa merren për të garantuar mbarëvajtjen e procesit zgjedhor dhe për t’u mundësuar çdo shtetasi të ushtrojë të drejtën e votës pa asnjë pengesë.
.jpg)
