.png)
IdentiTek sh.a organizon aktivitetin e parë “Hackathon”, në datat 24-26 Prill 2024, tek Hotel Tirana Internacional.
Qëllimi
Nëpërmjet aktivitetit “Hackathon” synojmë promovimin e ideve inovative në fushën e Teknologjisë së Informacionit dhe përthithjen e talente të reja, me ide kreative dhe etje për t’u bërë pjesë vitale e kompanisë IdentiTek.
Përmes ndërveprimit midis kompanisë, studentëve, pjesëmarrësve dhe mentorëve, synojmë të forcojmë network-un e kompanisë dhe eksplorojmë mundësi të mëtejshme bashkëpunimi.
Pjesëmarrësit
Ky aktivitet 3-ditor, mirëpret 50 studentë që ndjekin studimet me fokus Teknologjinë e Informacionit në universitete publike dhe private në Shqipëri. Përgjatë ditëve të aktivitetit, studentët do të punojnë në grupe dhe do të eksperimentojnë ide dhe teknologji të reja, do të lidhen me profesionistë të industrisë dhe do të shfaqin aftësitë e tyre në programim në një kohë të shkurtër.
Bëhu pjesë duke u regjistruar në linkun.
Fituesit
Anëtarëve të grupit fitues, do t’u jepet mundësia e një “intership-i” disa mujor dhe të paguar pranë IdentiTek dhe studentëve më të spikatur do t’u mundësohet punësimi në kompani.
.png)