Ne sigurojmë shërbimet e identifikimit biometrik, duke garantuar standardet më të larta të sigurisë dhe besueshmërisë. IdentiTek është një shoqëri aksionare, e vetmja në Shqipëri që ofron aplikimin, prodhimin dhe shpërndarjen e dokumenteve biometrike të shtetasve shqiptarë dhe/ose shtetasve të huaj me banim të përhershëm apo të përkohshëm në Republikën e Shqipërisë.
Selia qendrore e IdentiTek ndodhet në Tiranë dhe aktiviteti shtrihet në të gjithë territorin e Shqipërisë, si edhe në Misionet Diplomatike (Ambasada, Konsullata) të Shqipërisë në vende të ndryshme.
IdentiTek ka si mision të ofrojë shërbime të një niveli të lartë sigurie, me integritet, të specializuar dhe në përmirësim të vazhdueshëm për prodhimin e dokumenteve biometrike në përputhje me standardet kombëtare dhe ato ndërkombëtare, për shtetasit shqiptarë brenda dhe jashtë vendit dhe shtetasit e huaj që jetojnë në Shqipëri.
Vizioni i IdentiTek është të jetë lider në fushën e shërbimeve të identifikimit biometrik dhe printimit të sigurt në territorin e Republikës së Shqipërisë dhe përtej tij. Ne synojmë të ndërtojmë një standard dhe reputacion të padiskutueshëm për cilësi dhe profesionalizëm, duke u angazhuar në inovacionin e vazhdueshëm dhe ofrimin e zgjidhjeve të avancuara teknologjike.
Rrjeti i zyrave të aplikimit dhe shpërndarjes ka një shtrirje gjeografike të tillë që t’i mundësojë çdo qytetari një shërbim lehtësisht të aksesueshëm.
Gjeni zyrën më të afërt dhe përfitoni cilësinë dhe përkushtimin e stafit tonë.
Prodhimi i pasaportave biometrike dhe letërnjoftimit elektronik filloi në datën 24 maj 2009. Kalimi në pasaportë biometrike ishte një nga kushtet për liberalizimin e vizave të zonës Shengen për shtetasit shqiptarë. Më 15 dhjetor 2010, hyri në fuqi vendimi i Këshilli të Bashkimit Evropian për udhëtimin pa viza në vendet e Bashkimit Evropian.
