Shpallet 1 (një) vend vakant - Specialist/e e Marrëdhënieve me Publikun dhe Rrjetet Sociale në Departamentin e Regjistrimit
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë tonë kërkohet: 1 ( Një) Specialist/e e Marrëdhënieve me Publikun dhe Rrjetet Sociale në Departamentin e Regjistrimit
KËRKESA
- Të ketë përfunduar arsimin e lartë;
- Të ketë eksperiencë punë mbi 1 (një) vit;
- Të ketë njohuri për programet bazë të kompjuterit;
- Të ketë aftësi të mira komunikuese dhe bashkëpunuese në grup.
PËRGJEGJËSI
- Monitorimi i reagimeve të publikut dhe përgatitja e raporteve mbi performancën e telefonisë.
- Zhvillimi dhe zbatimi i planeve dhe strategjive të marrëdhënieve publike.
- Organizimi dhe menaxhimi i kërkesave të ndryshme të qytetarëve.
- Menaxhon dhe administron email-in e kujdesit ndaj qytetarëve, duke garantuar komunikim të qartë, korrekt dhe të shpejtë.
- Redakton dhe përditëson informacionin në faqet e ndryshme online të administruara nga kompania;
- Harton, redakton, korrigjon komunikime të ndryshme të kompanisë në website, rrjete sociale, media, portale, etj;
- Propozon tematika për zhvillimin e materialeve dhe aktiviteteve marketing;
- Promovon kompaninë përmes iniciativave të ndryshme publike;
- Gjatë kryerjes së detyrës zbaton politikat e brendshme të shoqërisë të përcaktuara në akte të ndryshme të miratuara.
- Kryen detyrat e ngarkuara nga ligji, aktet nënligjore, rregullorja e brendshme e shoqërisë me profesionalizëm dhe përkushtim.
- Detyrat e Specialistit/es për Marrëdhenieve me Publikun dhe Rrjete Sociale mund të ndryshohen në mënyrë të arsyeshme, në përputhje me nevojat operacionale dhe/ose të veprimtarisë tregtare.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “Identitek” sh.a. Departamenti i Burimeve Njerëzore, Rruga "Xhanfize Keko, ish-Tipografia Ushtarake - Tiranë, Shqipëri.
Afati për dorëzimin e aplikimit: deri më 29.08.2025
