Shpallet 1 (një) vend vakant - Specialist Aplikacionesh dhe Subsistemesh në Sektorin e Sistemeve dhe Infrastrukturës IT
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë tonë kërkohet Specialist Aplikacionesh dhe Subsistemesh në Sektorin e Sistemeve dhe Infrastrukturës IT
- Diplomë universitare në degët: Inxhinieri Informatike, Teknologji Informacioni, Inxhinieri Elektronike, ose fusha të ngjashme.
- Eksperiencë me bazat e të dhënave (Oracle, SQL Server, MySQL).
- Njohuri mbi web services, API (SOAP/REST)
- Përvojë në konfigurimin, testimin dhe administrimin e aplikacioneve dhe subsistemeve.
- Aftësi të mira komunikimi dhe punë në grup.
- Aftësi për të analizuar, zgjidhur probleme dhe për të marrë vendime të shpejta teknike.
PËRGJEGJËSI
- Specialisti harton dhe zhvillon aplikacione dhe komponente të reja sipas nevojave të brendshme të shoqërisë. Kjo përfshin programimin, dizajnin e ndërfaqes së përdoruesit, përpunimin e të dhënave dhe integrimeve të ndryshme.
- Bën të mundur integrimin e aplikacionit me sistemet ekzistuese të organizatës dhe bashkëveprimin me aplikacione të tjera.
- Teston dhe verifikon performancën dhe funksionalitetin e një aplikacioni ose komponente para se të publikohet zyrtarisht. Ky proces përfshin identifikimin, zgjidhjen e gabimeve dhe mangësive të mundshme.
- Përgatit procedurat dhe skemat për instalimin dhe implementimin e aplikacionit, pasi ky i fundit është gati për përdorim, në mjedisin e prodhimit.
- Ndjek performancën dhe përdorimin e aplikacionit dhe komponenteve. Mirëmban rregullisht ndryshime të sigurisë dhe përmirësime të tjera të nevojshme.
- Duhet të qëndrojë i informuar mbi zhvillimet e reja teknologjike dhe tendencat në fushën e aplikacioneve.
- Ndjek performancën e aplikacioneve dhe komponentëve, duke analizuar të dhënat dhe indikatorët matës për të përcaktuar performancën e produkteve aktuale dhe si mund të përmirësohen ato.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “Identitek” sh.a., Departamenti i Burimeve Njerëzore, Rruga "Xhanfize Keko, ish-Tipografia Ushtarake - Tiranë, Shqipëri.
Afati për dorëzimin e aplikimit: deri më 28.07.2025.
