Shpallet 1 vend vakant Specialist për Komunikimin në IdentiTek
“IDENTITEK” SH.A. është një shoqëri me kapital 100 % shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë. Për nevoja të shoqërisë tonë kërkohet Specialist për Komunikimin.
KËRKESA:
- Diplomë Bachelor ose Master;
- Të ketë aftësi shumë të mira komunikimi si dhe njohuri të teknologjive dhe metodave moderne të komunikimit dhe transmetimit të informacionit;
- Njohuri të mira në Menaxhimin e Rrjeteve Sociale dhe Ads;
- Aftësi shumë të forta ndërpersonale;
- Aftësi për të punuar në ekip;
- Njohuri shumë të mira te gjuhës angleze.
PËRGJEGJËSI:
- Detyrat specifike lidhen me fushën e komunikimit dhe marketingut;
- Koncepton dhe realizon përmbajtje që ndihmojnë kompaninë të ketë vizibilitet dhe një reputacion të mirë në publik;
- Mban kontaktet me mediat e gazetarët dhe iu përgjigjet sipas kërkesave për informacion;
- Përditëson faqen zyrtare në web të “IdentiTek”, administron kanalet e komunikimit të kompanisë në rrjetet sociale dhe e përfaqëson atë në takime pune apo çështje të ndryshme sa herë bëhet fjalë për komunikimin dhe marketingun;
- Vlerëson në mënyrë periodike nevojat për pajisje të rrjetit të zyrave të “IdentiTek” me elementë informues dhe vizivë, që lehtësojnë orientimin e qytetarëve dhe forcojnë identitetin e markës në publik.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “IdendiTek” sh.a., Departamenti i Burimeve Njerëzore, Rruga “Xhanfize Keko, ish-Tipografia Ushtarake – Tiranë, Shqipëri.
Afati për dorëzimin e aplikimit: deri më 17.11.2023.
