Shpallet 1 vend vakant- Auditues i Brendshëm me profil IT
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë tonë kërkohet Auditues i Brendshëm me profil IT:
PËRGJEGJËSITË
- Është përgjegjës për organizimin e angazhimeve të auditimit të brendshëm dhe hartimin e Kartës së Auditimit sipas standardeve dhe metodologjisë së miratuar në përputhje me parashikimet e Ligjit Nr. 114/2015 “Për auditimin e brendshëm në sektorin publik”, i ndryshuar.
- Planifikon, koordinon dhe ekzekuton të gjitha fazat e pajtueshmërisë duke iu referuar standardeve më të mira ndërkombëtare si COBIT dhe ITIL.
- Mbështet auditorët e jashtëm gjatë procesit vjetor të auditimit financiar të kompanisë.
- Përditëson mjetet e kontrollit të fushëveprimit të Teknologjisë së Informacionit (TI) dhe vlerësimit të rrezikut.
- Kryen rishikimin e dokumentacionit duke përfshirë:
- matricat e rrezikut dhe kontrolleve dhe diagramet e procesit,
- vlerëson kontrollet kur zhvillohen sisteme të reja ose ndryshime në procese.
- Rishikon dhe raporton mbi kontrollet e TI-së dhe proceset që lidhen me IT.
- Kryen testimin e funksioneve të “IT Governance” , duke u bazuar në standartet ndërkombëtare si ISO 27001.
- Jep rekomandime mbi aspektet teknike të sistemit për korrigjimin e kontrollit të brendshëm të lidhur me TI-në.
- Rishikon mangësitë e kontrollit të brendshëm në lidhje me TI-në në baza periodike.
- Monitoron statusin e përgjithshëm të përputhshmërisë të Kompanisë me legjislacionin në fuqi. (Ligji 25/2024 etj)
- Kryen auditimin e brendshëm dhe verifikon përputhshmërinë e infrastrukturës dhe sigurisë së TI-së konform standartit të sigurise të vendosur në Kompani.
- Ruan konfidencialitetin dhe objektivitetin gjatë gjithë procesit të auditimit.
- Në bashkëpunim dhe nën drejtimin e drejtuesit të njësisë Audituese dhe Auditin e Brendshëm harton dhe zbaton planin strategjik vjetor për veprimtarinë e auditimit të brendshëm.
Kërkesa të përgjithshme
Kandidatët duhet të plotësojnë kërkesat e përgjithshme si më poshtë:
- të jenë shtetas shqiptar;
- të kenë zotësi të plotë për të vepruar;
- të zotërojnë gjuhën shqipe, të shkruar dhe të folur;
- të jenë në kushte shëndetësore që e lejojnë të kryejë detyrën përkatëse;
- të mos jenë të dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
- të mos kenë masë disiplinore në fuqi;
Kërkesa të veçanta
- Diplomuar në Master Shkencor në Teknologji Informacioni ose Inxhinieri Elektronike.
- Kërkesat për kandidatët që aplikojnë për këtë vend pune janë:
- Të kenë diplomë të nivelit Master Shkencor;
- Të kenë eksperiencë pune, jo më pak se 5 (pesë) vite, nga të cilat jo më pak se 3 vite si auditues i sistemeve të TI-së.
- Të kenë njohuri të gjuhës angleze;
- Të kenë kualifikime dhe trajnime që lidhen me fushën profesionale;
- Të kenë aftësi të mira komunikuese dhe bashkëpunuese për të punuar në grup.
Përshkrimi i punës për pozicionin “Auditues i Brendshëm”
Ndihmon titullarin të identifikojë dhe të vlerësojë rreziqet në institucion;
Harton raporte të detajuara të auditimit, duke përfshirë gjetjet e tyre, rekomandimet për përmirësim, dhe nivelin e rrezikut të identifikuar;
bën analizën dhe vlerësimin e rrezikut të sistemeve të informacionit dhe teknologjisë së informacionit në shoqëri. Përmes këtij procesi:
- identifikon dhe vlerëson rreziqet potenciale të sigurisë, siç janë hakerat, humbja e të dhënave,
- mosfunksionimi i sistemeve kritike, dhe të tjerë;
- verifikon konformitetin me standarde dhe politika të brendshme të shoqërisë, si dhe me rregulloret dhe ligjet ndërkombëtare për sigurinë e informacionit dhe privatësinë e të dhënave;
- harton raporte të detajuara të auditimit, duke përfshirë gjetjet, rekomandimet për përmirësim, dhe nivelin e rrezikut të identifikuar;
- angazhohet në monitorimin e vazhdueshëm të performancës së sistemeve të informacionit dhe zbatimin e ndryshimeve të rekomanduara për të siguruar qëndrueshmërinë dhe përshtatshmërinë me ndryshimet në teknologji dhe rregullative;
- në konsultim paraprak me drejtuesin e Njësisë Audituese dhe me miratimin e tij, harton programin vjetor të auditimeve dhe në perputhje me të, planet mujore;
- siguron që në keto programe, auditimet do te jenë të mjaftueshme për të siguruar shqyrtim efektiv dhe të rregullt të të gjitha operacioneve;
- realizon vlerësime, inspektime, investigime, ekzaminime apo shqyrtime, që mund të kërkohen nga drejtuesi i Njësisë Audituese dhe/ose titullari i institucionit;
Harton raporte të detajuara të auditimit, duke përfshirë gjetjet e tyre, rekomandimet për përmirësim, dhe nivelin e rrezikut të identifikuar.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “IdentiTek” sh.a., Departamenti i Burimeve Njerëzore, Rruga "Xhanfize Keko, ish-Tipografia Ushtarake - Tiranë, Shqipëri.
Afati për dorëzimin e aplikimit: deri më 30.09.2024
