“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë tonë kërkohet 3 (tre) Operator në Departamentin e Cilësisë së të Dhënave dhe Investigimit
KËRKESA
Diplomë Bachelor (preferuar).
Njohuri të mira të paketës Microsoft Office.
Korrektësi në punë.
I komunikueshëm dhe i përgjegjshëm.
Sjellje serioze.
Saktësi në hedhjen e të dhënave.
I aftë të punojë në mënyrë të pavarur dhe në grup.
Integriteti dhe ruajtja e konfidencialitetit.
I aftë të punojë nën presion dhe për t’u orientuar drejt zgjidhjes së problemeve.
PËRGJEGJËSI
Operatori në këtë Departament që mbulon procesin e arkivës skanon me lexuesin e barkodit aplikimet ditore të ardhura nga Zyrat e Regjistrimit.
Regjistron dokumentet (bandat MRZ) në bazë ditore si dhe arkivohen sipas procedurave të miratuara.
Merr në dorëzim postën me aplikime të ardhur nga Zyrat e Regjistrimit.
Verifikon dhe raporton në kohë problematikat e ndryshme të formave të aplikimeve që vijnë nga Zyrat e Regjistrimit.
Operatori në këtë Departament që mbulon procesin e investigimit kontrollon aplikimet për problematika të ndryshme në sistemin e investigimit, përvec atyre më status “biometrik” ose të shenjave dakstiloskopike.
Trajton aplikimet në sistemet e investigimit sipas përparësive.
Arkivon raportet e investigimit në baza ditore.
Regjistron rastet e aplikimeve të refuzuara me problematika të ndryshme në programin e riaplikimit, për të informuar Departamentin e Regjistrimit.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “Identitek” sh.a., Departamenti i Burimeve Njerëzore, Rruga "Xhanfize Keko, ish-Tipografia Ushtarake - Tiranë, Shqipëri.
Afati për dorëzimin e aplikimit: deri më 06.06.2025.
