- 07 April 2026
Kërkohet Specialist i Sigurisë së Informacionit pranë Departamentit të Sigurisë së Informacionit
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë tonë kërkohet: 1 (një) Specialist i Sigurisë së Informacionit pranë Departamentit të Sigurisë së Informacionit .
KËRKESA
- Të ketë përfunduar arsimin e lartë në shkenca kompjuterike, si: informatikë, informatikë ekonomike, inxhinieri informatike ose fusha të ngjashme;
- Preferohet diplomë Master në Teknologji Informacioni ose fusha të ngjashme;
- Të ketë eksperiencë pune mbi 2 (dy) vite në sigurinë e informacionit, menaxhimin e rreziqeve apo punë të ngjashme;
- Të ketë njohuri për monitorimin e sigurisë, analizën e incidenteve kibernetike dhe dobësive kibernetike, menaxhimin e aksesit dhe identitetit, si dhe standardin ISO 27001;
- Të ketë aftësi të mira analitike, komunikuese dhe bashkëpunuese.
PËRGJEGJËSI
- Harton dhe zbaton politikat, procedurat dhe udhëzimet e sigurisë së informacionit brenda kompanisë.
- Monitoron dhe analizon sigurinë e sistemeve IT për të identifikuar ngjarje dhe anomali të sigurisë.
- Analizon rreziqet e kërcënimeve dhe dobësive të mundshme, duke propozuar kontrolle për zvogëlimin e rreziqeve.
- Analizon incidentet e sigurisë, identifikon, raporton dhe koordinon përgjigjet ndaj incidenteve të sigurisë.
- Konfiguron dhe mirëmban mjetet teknike (SIEM, SOAR, IDS/IPS), kryen kontrolle teknike për parandalimin dhe zbulimin e incidenteve kibernetike.
- Të njohë tipologjitë e rrjeteve dhe arkitekturat e mbrojtjes.
- Përputhshmëria me standardet dhe politikat e sigurisë: siguron që masat e sigurisë IT përputhen me politikat dhe kontrollet e ISO 27001.
- Kontrolli i aksesit dhe menaxhimi i identiteteve: mbikëqyrja e qasjes në sisteme për të siguruar që përdoruesit kanë autorizimin e nevojshëm.
- Auditimi i sigurisë së informacionit, si dhe auditime të brendshme, duke i raportuar menaxhmentit.
- Ndërgjegjësimi dhe trajnimi për sigurinë e informacionit: mbështetja në programet e edukimit të stafit mbi sigurinë kibernetike dhe zbatimi i politikave të ISO 27001.
Ftohen të gjithë të interesuarit të dërgojnë një CV të plotë, me detaje të edukimit dhe eksperiencave të punës si dhe me foto, elektronikisht në email-in: [email protected] ose shkresërisht në adresën: “Idenditek” sh.a., Departamenti i Burimeve Njerëzore, Rruga "Xhanfize Keko, ish-Tipografia Ushtarake - Tiranë, Shqipëri.
Afati për dorëzimin e aplikimit: deri më 14.04.2026.
Apliko për këtë pozicion.
Vende të tjera vakante
-
-(1).png)
-
-
-(1).png)
-
26 March 2026Kërkohet Specialist pranë Departamentit Juridik
-
-(1).png)
26 March 2026Kërkohet Menaxher pranë Departamentit Juridik
-
-
-
-
-(1).png)
12 March 2026Kërkohet Operator pranë Zyrës së Aplikimit Tiranë
-
-
-(1).png)
09 March 2026Kërkohet Specialist pranë Sektorit të Sigurisë Fizike
-
26 February 2026Kërkohet Operator në DVKM Kukës