- 19 November 2026
Kërkohet Specialist pranë Sektorit të Kujdesit ndaj Klientit në Departamentin e Aplikimeve
“IDENTITEK” SH.A. është një shoqëri me kapital 100% shtetëror, me objekt veprimtarie prodhimin dhe shpërndarjen e kartave të identitetit (ID) dhe pasaportave biometrike për shtetasit shqiptarë.
Për nevoja të shoqërisë sonë kërkohet: 1 (një) Specialist pranë Sektorit të Kujdesit ndaj Klientit në Departamentin e Aplikimeve.
KËRKESA
- - Të ketë përfunduar arsimin e lartë;
- - Të ketë përvojë pune mbi 3 (tre) vite;
- - Të ketë njohuri për paketën office;
- - Të ketë aftësi të mira komunikuese dhe bashkëpunuese.
PËRGJEGJËSI
- 1. Ofron informacion të saktë dhe të përditësuar për procedurat e aplikimit, dokumentacionin e nevojshëm, tarifat, afatet e përpunimit dhe tërheqjes së dokumenteve, si dhe për çdo çështje tjetër që lidhet me shërbimet e ofruara.
- 2. Menaxhon komunikimin me qytetarët përmes telefonit, adresës elektronike zyrtare (info) dhe komunikimit shkresor, duke trajtuar në mënyrë profesionale kërkesat, ankesat, sugjerimet dhe problematikat e tyre.
- 3. Regjistron, klasifikon dhe ndjek në sistem kërkesat dhe ankesat e qytetarëve deri në zgjidhjen përfundimtare të tyre, duke informuar mbi statusin dhe ecurinë e tyre, si dhe zhvillon telefonata dalëse për ndjekjen e kërkesave (follow-up), prezantimin e produkteve dhe shërbimeve, caktimin e takimeve dhe ofrimin e mbështetjes ndaj klientit, nëpërmjet një komunikimi profesional dhe efektiv.
- 4. Identifikon dhe orienton kërkesat e qytetarëve drejt strukturave të brendshme dhe të jashtme të shoqërisë, sipas natyrës së tyre, si dhe koordinon dhe ndjek problematikat e raportuara deri në adresimin e tyre.
- 5. Koordinon dhe raporton problematikat e hasura nga operatorët në përfaqësitë diplomatike, duke bashkëpunuar me strukturat qendrore për analizimin dhe zgjidhjen e tyre.
- 6. Ndjek dhe monitoron projektet dhe aktivitetet e zhvilluara në përfaqësitë diplomatike, duke siguruar respektimin e afateve, procedurave dhe standardeve operative të përcaktuara.
- 7. Bashkëpunon me Supervizorin e Sektorit të Shërbimeve të Regjistrimit për përgatitjen, koordinimin dhe administrimin e elementeve organizative dhe administrative të stafit.
- 8. Administron pajisjet MEVA, duke përfshirë instalimin, mirëmbajtjen dhe monitorimin e funksionimit të tyre gjatë proceseve të aplikimit.
- 9. Organizon, koordinon dhe monitoron realizimin e shërbimeve mobile, duke siguruar zbatimin e tyre sipas planifikimit dhe standardeve të përcaktuara.
- 10. Analizon problematikat dhe feedback-un e qytetarëve dhe propozon masa për përmirësimin e proceseve, shërbimeve dhe mënyrës së komunikimit me ta.
- 11. Përgatit raporte periodike mbi aktivitetet e kryera, kërkesat dhe ankesat e trajtuara, statusin e aplikimeve, problematikat e evidentuara dhe masat e marra, duke siguruar monitorim dhe analizë efektive të performancës së departamentit.
- 12. Detyrat dhe përgjegjësitë e tij/saj mund të ndryshohen ose plotësohen në mënyrë të arsyeshme, në përputhje me nevojat operacionale dhe/ose të veprimtarisë tregtare të shoqërisë.
Ftohen të gjithë të interesuarit të shprehin interesin nëpërmjet njërës prej mënyrave të mëposhtme:
- - ngarkimin e CV-së në seksionin e dedikuar në faqen zyrtare IdentiTek për vendet vakante në link-un https://identitek.al/karriera;
- - dërgimin e CV-së elektronikisht në adresën [email protected], duke cituar në subjekt titullin e pozicionit për të cilin aplikohet;
- - dërgimin e CV-së me postë në adresën: IdentiTek Sh.A., Departamenti i Burimeve Njerëzore, Rruga “Xhanfize Keko”, ish-Tipografia Ushtarake, Tiranë, Shqipëri.
Dokumenti i CV-së duhet të paraqitet vetëm në gjuhën shqipe.
Afati për pranimin e aplikimeve është data 25.11.2026.
Do të njoftohen vetëm kandidatët e përzgjedhur për intervistë, të cilët do të kontaktohen brenda një afati maksimal prej tre javësh nga data e përfundimit të afatit për dorëzimin e aplikimeve.
Apliko për këtë pozicion.
Vende të tjera vakante
-
-
-
-
-
-
-
18 September 2026Kërkohet Menaxher pranë Departamentit të Prokurimeve Publike.
-
-
01 September 2026Kërkohet Specialist në Sektorin e Kujdesit ndaj Klientit
-
18 August 2026Kërkohet Operator në zyrën Përmet
-
11 August 2026Kërkohet Specialist pranë Sektorit të Sigurisë Fizike
-